Medisinsk post 1 nord - nyresjukdommar og hormonsjukdommar

Medisin 1 Nord er lokalisert i 6. etasje i sentralblokka. Avdelinga har 18 sengeplassar og tilbyr behandling til vaksne pasientar med nyre- og hormonsjukdommar.

Blant dei vanlegaste hormonsjukdommane vi behandlar er diabetes type 1 og 2, elektrolyttforstyrringar og andre lidingar i hormonsystemet. Nyresjukdommar kan vere både akutte og forbigåande, i tillegg til kroniske tilstandar. Dialysepasientar og nyretransplanterte utgjer ein stor del av pasientgrunnlaget vårt. Vi behandlar også pasientar med ulike indremedisinske diagnosar.

Vi har eit tett samarbeid med dialyseavdelinga, medisinsk poliklinikk og dageininga.

På sengeposten arbeider eit tverrfagleg team beståande av legar, sjukepleiarar, spesialsjukepleiarar og helsefagarbeidarar.