Medisinsk avdeling - Voss

Medisinsk sengepost er ein heildøgn sengepost med 26 senger med derav 2 isolatrom.

Avdelinga er ei generell indremedisinsk avdeling der omlag 95 prosent av innleggingane er øyeblikkeleg hjelp (ØH).

Avdelinga har eiga slageining og tilsette med spesialkompetanse.

Avdelinga disponerer lokale i poliklinikken i 1. etasje der det blir gjeve medisinske kurar til pasientar.

Som pasient vil du møta sjukepleiarar, hjelpepleiarar/helsefagarbeidarar, legar og fagpersonar under utdanning. Avdelinga har spesialkompetanse innan kreftomsorg, smertelindring, hjerneslag, mage-/tarm-, lunge- og hjartesjukdomar.

Samarbeid

Me samarbeidar med andre postar og spesialavdelingar ved sjukehuset som rehabiliteringsteamet, sosionomtenesta, laboratoriet, poliklinikkane, røntgenavdelinga og fysikalsk avdeling. Me samarbeider også med heimkommunane til inneliggjande pasientar ved behov.

Open retur

Open retur er for å skapa tryggleik både for deg som pasient og dei kring deg. Har du fått tilbod om denne ordninga vil det seie at du er velkommen til å ringje oss direkte på avdelinga ved spørsmål / behov for innlegging.