Fostermedisin- og ultralydpoliklinikk

Årsak til utgreiing kan vere bløding, smerte eller sjukdom hos mor. Ved mistanke eller auka risiko for misdanningar eller utviklingsavvik hos fosteret blir prenatal diagnostikk utført. 

Vi tar i mot kvinner som er inneliggande på Kvinneklinikken eller som blir tilvist frå lege eller jordmor.

Tidleg ultralyd og NIPT

Alle gravide har tilbod om tidleg ultralyd i veke 11-14. NIPT (Non-invasive prenatal test) er tilbod til alle gravide som er 35 år eller eldre ved termin. 

• Les meir på helsenorge.no:
  
  Informasjon om fosterdiagnostikk
  
  
• Les meir om NIPT-undersøking

Ultralyd ved sjukdom

Vi utfører også ultralydundersøkingar av kvinner ved spørsmål om underlivssjukdom som for eksempel cyster på eggstokkane, muskelknutar i livmora, bekkeninfeksjon, utviklingsavvik i dei indre kjønnsorgan og ved mistanke om ondarta svulstar.

Forskingsprosjekt

Ved seksjonen er det stor forskingsaktivitet og ein del av kvinnene vil derfor bli spurt om å delta i forskingsprosjekt. Forskingstema ved seksjonen har vore fostervekst, fostersirkulasjon, svangerskapslengde, sikkerheit knytt til ultralyd i svangerskapet og behandling av abscessar i bekkenet.

Metodebok for helsepersonell (kan ikkje opnast i nettlesaren Internet Explorer)

Aktuelle lenker

• Fosterdiagnostikk hos Helse- og omsorgsdepartementet
  
  
• Fosterdiagnostikk - Helsenorge