Kirurgisk klinikk

Det er totalt fire sengepostar og ei spesialeining ved avdelingane under Kirurgisk klinikk. Det inneber at fleire avdelingar har pasientar på same sengepost. Kirurgisk klinikk har alle sine sengepostar i Sentralblokka. Sengepostane er utstyrt med einerom, dobbeltrom og firemannsrom. Avdelingane disponerer ein trådlaus telefon som pasientane kan låne for å ringe ut. På sengepostane er det ei lita sittegruppe i korridoren. Kvar etasje har også ei daglegstue som kan brukast av pasientar og pårørande.

Alle pasientar som kjem til poliklinikken er tilvist av primærlege/lege eller anna sjukehus. Poliklinikken sender brev direkte heim til pasienten om tid, stad og kva undersøkingar ein eventuelt skal gjennomgå.

Kirurgisk klinikk har fem fagavdelingar med felles leiing og stab. Legetenester, pleietenester, poliklinikk og merkantile tenester er organisert einskapleg. Det er og ein sentral stab som tek seg av ulike støttefunksjonar i klinikken.